2 மக்கபே ஆகமம் - பழைய ஏற்பாடு

¹ அயல் நாடுகளில் சிறைப்படுத்தப்பட்டோர் முன்பே தங்களுக்குக் கட்டளையிட்டபடி நெருப்பை எடுத்துக் கொண்டு போக இறைவாக்கினரான எரெமியாஸ் ஆணையிட்டதாக அவருடைய நூல்களில் காணப்படுகிறது.

² ஆண்டவருடைய கட்டளைகளை மறவாதபடிக்கும், பொன், வெள்ளியினால் செய்யப்பட்ட சிலைகளையும், அவைகளின் அணிகளையும் கண்டு மோசம் போகாதபடிக்கும் அவர்களுக்கு அவர் கட்டளை கொடுத்திருந்தார்.

³ இன்னும் வேறு பலவற்றையும் சொல்லி, தங்கள் இதயத்தினின்று கட்டளையை நீக்காமலிருக்க அறிவுரை கூறினார்.

⁴ இன்னும் எழுதப்பட்டிருப்பது என்னவென்றால், மோயீசன் ஏறிக் கடவுளுடைய உரிமைப் பாகத்தைக் கண்ட மலையின் மேல் சேர்கிற வரை, தமக்குக் கடவுள் கொடுத்திருந்த உத்தரவின்படி கூடாரத்தையும் பெட்டகத்தையும் தம்முடன் கொண்டு வர வேண்டுமென்று இறைவாக்கினர் கட்டளையிட்டார்.

⁵ அவ்விடம் வந்தபோது எரெமியாஸ் குகை ஒன்றைக் கண்டார்@ கூடாரத்தையும் பெட்டகத்தையும் சாம்பிராணிப் பீடத்தையும் அவ்விடம் கொண்டு வந்து, வாயிலை அடைத்து விட்டார்.

⁶ அவரைப் பின்பற்றி வந்த சிலர் தாங்களும் அவ்விடத்தைத் தெரிந்துகொள்ள வந்தார்கள்@ ஆனால், அதைக் கண்டுகொள்ளக் கூடவில்லை.

⁷ எரெமியாஸ் அதை அறிந்த போது அவர்களைக் கடிந்து: கடவுள் தம் மக்களை ஒன்று சேர்த்து இரக்கம் காட்டும் வரையில் அந்த இடம் எவருக்கும் தெரியாதிருக்கும்.

⁸ பின்பு தான் ஆண்டவர் அதை வெளிப்படுத்துவார். அப்பொழுது ஆண்டவருடைய மாட்சிமை வெளிப்படும். மோயீசனுக்குக் காண்பிக்கப்பட்டது போலவும், உன்னத கடவுளுக்கு ஆலயத்தை அர்ப்பணிக்க சாலமோன் மன்றாடிய போது தோன்றியது போலவும் மேகம் இருக்கும், என்றார்.

⁹ ஏனென்றால், தம் ஞானத்தைச் சிறந்த முறையில் பயன்படுத்தி (சாலமோன்) ஞானம் நிறைந்தவராய், கடவுள் ஆலயம் அபிஷேகம் செய்யப்பட்டதன் நினைவாகவும், முடிவு பெற்றதன் நினைவாகவும் பலிகளை ஒப்புக்கொடுத்தார்.

¹⁰ மோயீசன் ஆண்டவரை மன்றாடிய போது விண்ணினின்று நெருப்பு இறங்கிப் பலியை எரித்தது போல, சாலமோன் மன்றாடவே வானத்தினின்று நெருப்பு இறங்கிப் பலியை எரித்தது

¹¹ பாவத்துக்காகக் கொடுக்கப்பட்ட அப்பலி சாப்பிடப்படவில்லை@ ஆகவே, எரிக்கப்பட்டது என்று மோயீசன் சொன்னார்.

¹² அதுபோலவே (சாலமோனும்) எட்டு நாட்களாக ஆலய அபிஷேகத்தைக் கொண்டாடினார் என்று கூறப்பட்டுள்ளது.

¹³ நெகேமியாவின் நூல்களிலும் விளக்கங்களிலும் இவை சொல்லப்பட்டிருக்கின்றன. நூல் நிலையம் ஒன்று அமைக்க, அவர் நாடுகளிலிருந்து இறைவாக்கினருடையவும் தாவீதினுடையவும் நூல்களையும், காணிக்கைகளைப் பற்றிய அரசர்களின் கடிதங்களையும் ஒன்று திரட்டினார்.

¹⁴ அப்படியே யூதாசும், நாங்கள் புரிந்த போரின் போது தவறிப் போன நூல்களையெல்லாம் ஒன்று சேர்த்தார். அவை இப்போது எங்களிடம் இருக்கின்றன.

¹⁵ ஆகையால், அவை உங்களுக்கு வேண்டுமானால், உங்களிடம் அவற்றை எடுத்து வரும்படி சிலரை அனுப்புங்கள்.

¹⁶ ஆலயத்தைத் தூய்மைப் படுத்திய நினைவு நாட்களைக் கொண்டாட இருக்கிறபடியால், இவற்றை உங்களுக்கு எழுதினோம்.

¹⁷ இந்நாட்களை நீங்களும் கொண்டாடினால் நலம். தம்முடைய மக்களை மீட்டு, சுதந்தரத்தையும் அரசையும் குருத்துவத்தையும் புனிதத்துவத்தையும் எல்லாருக்கும் கொடுத்த கடவுளே

¹⁸ கட்டளையில் வாக்குறுதி வழங்கியது போல விரைவில் நம் மேல் இரக்கம் கொள்வாரென்றும், வானத்தின் கீழ் புனித இடத்தில் நம்மைச் சேர்ப்பாரென்றும் நம்புகிறோம்.

¹⁹ ஏனென்றால், அவர் பேராபத்துகளினின்று நம்மை மீட்டார்@ ஆலயத்தையும் தூய்மைப்படுத்தினார்.

²⁰ யூதாஸ் மக்கபேயுசைப் பற்றியும், அவருடைய சகோதரர்களைப் பற்றியும், கடவுளின் பேராலயத்தைத் தூய்மைப் படுத்தல், பீடத்தின் அபிஷேகம் இவைகளைப் பற்றியும்,

²¹ இன்னும் மகா அந்தியோக்கஸ், அவன் புதல்வன் யூப்பாத்தோர் இவர்கள் செய்த போரைப் பற்றியும்,

²² சொற்பப் பேராயிருந்தாலும் நாடு முழுமையையும் கைப்பற்றித் தீயோர் கூட்டத்தைத் துரத்தியடித்து யூதருக்காகத் துணிவுடன் போர் புரிந்தவர்களுக்கு விண்ணினின்று வழங்கப்பட்ட சிறந்த உதவிகளைப் பற்றியும் பேசுவோம்.

²³ யூதாசும் அவர் சகோதரர்களும் உலக முழுவதிலும் பெயர் பெற்ற கடவுள் ஆலயத்தைத் திரும்ப கைப்பற்றிக் கெண்டார்கள்@ நகரை மீட்டார்கள்@ புறக்கணிக்கப்பட்ட சட்டங்களை திரும்ப ஏற்படுத்தினார்கள். ஆண்டவரும் தயவாய் அவர்கள் பால் இரக்கம் கொண்டார்.

²⁴ சிரேனே ஊரானான யாசோனால் ஐந்து நூல்களிலே எழுதப்பட்டவற்றை ஒரே நூலில் சுருக்கி எழுத முயன்றோம்.

²⁵ ஏனென்றால், நூல்களின் எண்ணிக்கையினாலும், வரலாற்று நிகழ்ச்சிகளை அறிய விரும்பகிறவர்களுக்கு நிகழ்ச்சிகளின் பெருக்கத்தினாலும் உண்டாகும் வருத்தத்தை நினைவில் கொண்டு,

²⁶ வாசிக்க விருப்பமுள்ளவர்களுக்கு மனநிறைவு உண்டாகும்படியும், கவனிப்பவர்களின் மனத்தில் எளிதாய்ப் பதியும்படியும், வாசிப்போர் அனைவருக்கும் பயன் உண்டாகும்படியும், கவனம் எடுத்துக் கொண்டோம்.

²⁷ சுருக்கி எழுதும் இந்த வேலையை ஏற்றுக் கொண்ட எமக்கோ இது எளிதன்று@ உண்மையாகவே கவலை மிக்க கடினமான வேலை.

²⁸ ஆயினும், விருந்து அளிப்பவர்கள் விருந்தினருடைய மனத்திற்கு நிறைவு ஏற்படத் தேடுவது போல, பலருடைய நன்மையை முன்னிட்டு மகிழ்வோடு இவ்வேலையை ஏற்றுக் கொண்டோம்.

²⁹ ஒவ்வொரு நிகழ்ச்சியின் உண்மையையும் எழுதியவர்களிடமிருந்து அப்படியே ஏற்றுக் கொண்டு, அவைகளைச் சுருக்கமாய் எழுதவே கவனம் செலுத்துகிறோம்.

³⁰ ஏனென்றால், புது வீட்டைக் கட்டுகிறவன் கட்டடம் முழுமையையும் கவனிக்க வேண்டியிருக்கிறது@ சித்திரம் எழுதுகிறவனோ அலங்காரத்துக்கு அடுத்தவைகளையே தேடுகிறான்.

³¹ அது போலவே எம்மையும் கொள்ளுங்கள். ஏனென்றால், வரலாறு எழுதுகிறவனுடைய கடமை நிகழ்ச்சிகளைச் சேர்ப்பதும், ஒழுங்காய்ச் சொல்வதும், ஒவ்வொரு நிகழ்ச்சியையும் தீர ஆராய்வதுமே ஆகும்.

³² வாக்கியத்தைச் சுருக்கிச் சொல்லவும், நீண்ட பேச்சை நீக்கவும்- இது போன்றவைகளைச் செய்யச் சுருக்கி எழுதுகிறவனை விட்டு விட வேண்டும்.

³³ ஆகையால், இங்கு வரலாற்றைத் தொடங்குவோம். முகவுரையில் இவ்வளவு சொன்னது போதும். எனென்றால், வரலாற்றைச் சுருக்கி, வரலாற்றுக்கு முன் விரித்துரைப்பது அறிவீனமான காரியம்.