குறுந்தொகை - 230. நெய்தல் - தோழி கூற்று
(தலைவனது குறையைக் கேட்ட தோழி தலைவிபால், “நெடுநாட்களாக நினது உடம்பாட்டை எதிர்நோக்கி வந்து கொண்டிருந்த தலைவன் யான் சேட்படுத்தியமையின் சில காலமாக வாரா தொழிந்தான்” என்று இரக்கம் வரும்படி கூறியது.)
| அம்ம வாழி தோழி கொண்கன் தானது துணிகுவ னல்லன் யானென் பேதை மையாற் பெருந்தகை கெழுமி நோதகச் செய்ததொன் றுடையேன் கொல்லோ வயச்சுறா வழங்குநீர் அத்தம் |
5 |
| சின்னாள் அன்ன வரவறி யானே. | |
| - அறிவுடை நம்பியார். |
தோழி! ஒன்று கூறுவன் கேட்பாயாக; தலைவன் வலியை உடைய சுறா மீன் வழங்குகின்றநீரை உடைய வழியில் சில நாட்களாக முன்னர் வந்து கொண்டிருந்த அத்தகைய வருதலை அறியானாயினான்; அங்ஙனம் வாராது இருத்தலைத் தானாகவேதுணிந்து ஒழுகும் இயல்புடையன் அல்லன்; யான்! என் அறிவின்மையால் பெரிய உரிமையைப் பொருந்தி அவன் வருந்தி இங்கே வாராத வண்ணம் செய்தசெயல் ஒன்றை உடையேனோ?
முடிபு: தோழி-, கொண்கன் வரவறியான்; தான் துணிகுவன் அல்லன்;யான் கெழுமிச் செய்தது உடையேன்கொல்.
கருத்து: நின்னைக் காணப் பலகால் வந்த தலைவன் யான்சேட்படுத்தியமையின் வாராதொழிந்தான்கொல்?
தேடல் தொடர்பான தகவல்கள்:
குறுந்தொகை - 230. நெய்தல் - தோழி கூற்று, தோழி, இலக்கியங்கள், நெய்தல், கூற்று, யான், தலைவன், குறுந்தொகை, கொண்கன், உடைய, அல்லன், வந்து, எட்டுத்தொகை, சங்க, கொண்டிருந்த