சங்கீதங்கள் - பழைய ஏற்பாடு

¹ ஆண்டவர் தம் இல்லம் செல்வோம்~ என்று எனக்குச் சொல்லினர்: நான் பெருமகிழ்ச்சியுற்றேன்.

² யெருசலேமே, இதோ உன் வாயிலில் வந்து நிற்கின்றோம்.

³ மாநகராய் அமைக்கப்பட்டுள்ளது யெருசலேம்: எல்லாம் இசைவாகப் பொருத்தப்பட்டுள்ள நகர் அது.

⁴ கோத்திரங்கள் அங்குச் செல்கின்றன, ஆண்டவருடைய கோத்திரங்கள் அங்குச் செல்கின்றன: இஸ்ராயேலின் சட்டப்படி ஆண்டவருடைய திருப்பெயரைப் போற்றச் செல்கின்றன.

⁵ நீதி இருக்கைகள் அங்கே அமைக்கப்பட்டுள்ளன: தாவீதின் இல்லத்து அரியணைகள் அங்குள்ளன.

⁶ யெருசலேமில் அமைதி நிலவ வேண்டுங்கள்: ~யெருசலேமே, உன் மீது அன்பு வைத்தவர்களுக்கு எத்துன்பமும் இல்லாதிருப்பதாக.

⁷ உன் மதில்களுக்குள் அமைதி இருப்பதாக: உன் மாளிகைகள் பாதுகாப்புடன் விளங்குவனவாக.

⁸ அமைதி உன்னகத்து விளங்குவதாக~ என்பேன்: என் சகோதரர், நண்பர் பொருட்டு அவ்வாறு சொல்வேன்.

⁹ உனக்கு எல்லா நன்மையும் உண்டாக நான் மன்றாடுவேன்: ஆண்டவராகிய நம் இறைவனின் இல்லத்தின் பொருட்டு வேண்டுவேன்.