குறுந்தொகை - 271. மருதம் - தலைவி கூற்று
(பரத்தையிற் பிரிந்து வந்த தலைவனுக்கு உடம்பட்டுத் தூதாக வந்த தோழியை நோக்கி, "தலைவரோடு ஒரு நாள் நட்புப் பூண்டேன்; அது பல நாளும் எனக்குத் துன்பம் தருவதாயிற்று. அவ்வொரு நாள் செய்த நட்புப் பற்றியே ஏற்றுக் கொள்வேன்" என்றது.)
| அருவி யன்ன பருவறை சிதறி யாறுநிறை பகரு நாடனைத் தேறி உற்றது மன்னு மொருநாள் மற்றது தவப்பன் னாள்தோள் மயங்கி வௌவும் பண்பின் நோயா கின்றே. |
5 |
| - அழிசி நச்சாத்தனார். |
தோழி! அருவியை ஒத்த பரிய துளிகளைச் சிதறி ஆறு வெள்ளத்தைக் கொண்டு ஒலிக்கும் நாட்டை உடைய தலைவனைத் தெளிந்து அவனோடு பொருந்திய காலம் ஒரு நாளே ஆகும; அங்ஙனம் பொருந்தியது மிகப் பல நாட்கள் தோளோடு கலந்து அழகைக் கொள்ளை கொள்ளும் தன்மையினை உடைய நோயாக ஆகின்றது.
முடிபு: நாடனை உற்றது ஒரு நாள்; அது மயங்கி நோயாகின்று.
கருத்து: அறங்கருதித் தலைவனை ஏற்றுக் கொள்கின்றேன்.
தேடல் தொடர்பான தகவல்கள்:
குறுந்தொகை - 271. மருதம் - தலைவி கூற்று, இலக்கியங்கள், நாள், மருதம், குறுந்தொகை, தலைவி, கூற்று, உற்றது, உடைய, சிதறி, மயங்கி, வந்த, எட்டுத்தொகை, சங்க, நட்புப், ஏற்றுக்