குறுந்தொகை - 148. முல்லை - தலைவி கூற்று
(தலைவன் மீண்டு வருவதாகக் கூறிச் சென்ற கார்ப் பருவம் வரவும் அவன் வாராமையால் துன்பமுற்ற தலைவியை நோக்கித் தோழி, “இது பருவமன்று; அவர் பொய்யார்” என வற்புறுத்த, தலைவி, “கொன்றைமரங்கள் பூத்தன; இது கார்ப்பருவந்தான்” எனக் கூறியது.)
| செல்வச் சிறாஅர் சீறடிப் பொலிந்த தவளை வாய பொலஞ்செய் கிண்கிணிக் காசி னன்ன போதீன் கொன்றை குருந்தோ டலம்வரும் பெருந்தண் காலையும் காரன் றென்றி யாயிற் |
5 |
| கனவோ மற்றிது வினவுவல் யானே. | |
| - இளங் கீரந்தையார். |
செல்வத்தையுடைய சிறு பிள்ளைகளுடைய சிறிய அடியின்கண் விளங்கிய தவளையின் வாயைப் போன்ற வாயையுடைய பொன்னாற் செய்யப்பட்ட கிண்கிணிக் காசைப் போன்ற பேரரும்பை வெளிப்படுத்தும் கொன்றை மரம் குருந்த மரத்தோடு சுழலும் மிக்க தண்மையையுடைய பருவத்தையும் கார் காலமன்றென்று நீ கூறுவாயாயின் இங்ஙனம் தோற்றுவது கனவோ? யான் கேட்பேன்; கூறுவாயாக.
முடிபு: கொன்றை அலம்வரும் காலையும் காரன்றென்றியாயின் கனவோ? யான் வினவுவல்.
கருத்து: தலைவர் இக்கார் காலத்தும் மீண்டும் வந்திலர்.
தேடல் தொடர்பான தகவல்கள்:
குறுந்தொகை - 148. முல்லை - தலைவி கூற்று, தலைவி, இலக்கியங்கள், முல்லை, கனவோ, கொன்றை, குறுந்தொகை, கூற்று, வினவுவல், யான், கிண்கிணிக், எட்டுத்தொகை, சங்க, காலையும்