ஆரூடப் பாடல் - 6, 1, 6. - ஸ்ரீஅகத்தியர் பாய்ச்சிகை ஆரூடம்

அஞ்சிடவேண்டாமப்பா ஆறும் ஒன்றாலும் வீழ்ந்தால் வஞ்சகம பீடை நோயும் வறுமையும் ஒழிந்துபோகும் துஞ்சவே தானியங்கள் துணைவரும் வந்து சேர்வார் கொஞ்சநாள் போனதானால் கொடுக்கல்வாங்கலிலே லாபம்.

உனக்கு ஆறும், ஒன்றும், ஆறும் விழுந்ததால் உனைத் தொடர்ந்த பீடையும், நோயும், வறுமையும், வம்பு வழக்குகளும், பகைவர்களின் வஞ்சமும் ஒழியும். நிலம் செழித்து தானிய விளைச்சல் பெருகும். புதிய சினேகிதர்களும் சேருவார்கள். அதனால் லாபமுண்டாகும் என்கிறார்.