முதல் திருமுறை-தேவாரப் பதிகங்கள் - 1.091.திருஆரூர் - திருவிருக்குக்குறள்
1.091.திருஆரூர் - திருவிருக்குக்குறள்
பண் - குறிஞ்சி
திருச்சிற்றம்பலம்
பண் - குறிஞ்சி
திருச்சிற்றம்பலம்
இத்தலம் சோழநாட்டிலுள்ளது.
சுவாமிபெயர் - வன்மீகநாதர்.
தேவியார் - அல்லியங்கோதையம்மை.
981 |
சித்தந் தௌவீர்காள், அத்த னாரூரைப் பத்தி மலர்தூவ, முத்தி யாகுமே. |
1.091.1 |
சித்தம் மாசு நீங்கித் தௌவடைய விரும்புகின்றவர்களே, அனைவர்க்கும் தலைவனாய் ஆரூரில் எழுந்தருளியிருக்கும் பெருமானைப் பக்தியோடு மலர் தூவி வாழ்த்துங்கள். சித்தத் தௌவோடு முக்தி கிடைக்கும்.
982 |
பிறவி யறுப்பீர்காள், அறவ னாரூரை மறவா தேத்துமின், துறவி யாகுமே. |
1.091.2 |
பிறப்பினை அறுத்துக் கொள்ள விரும்புபவர்களே, அறவடிவினனாகத் திருவாரூரில் எழுந்தருளியிருக்கும் இறைவனை மறவாது ஏத்துங்கள் பிறப்பிற்குக் காரணமான ஆசைகள் நீங்கித் துறவு நிலை எய்தலாம்.
983 |
துன்பந் துடைப்பீர்காள், அன்ப னணியாரூர் நன்பொன் மலர்தூவ, இன்ப மாகுமே. |
1.091.3 |
துன்பங்களைத் துடைத்துக் கொள்ள விரும்புகின்றவர்களே, அழகிய ஆரூரில் எழுந்தருளிய அன்பு வடிவான இறைவனை நல்ல பொலிவுடைய மலர்களைத் தூவி வழிபடுங்கள். துன்பம் நீங்குவதோடு இன்பம் உளதாம்.
984 |
உய்ய லுறுவீர்காள், ஐய னாரூரைக் கையி னாற்றொழ, நையும் வினைதானே. |
1.091.4 |
உலக வாழ்க்கையிலிருந்து கடைத்தேற விரும்புகின்றவர்களே, ஆரூரில் எழுந்தருளிய தலைவனாகிய இறைவனைக் கைகளைக் கூப்பி வணங்குங்கள். உங்கள் வினைகள் மெலிவடையும். உய்தி பெறலாம்.
985 |
பிண்ட மறுப்பீர்காள், அண்ட னாரூரைக் கண்டு மலர்தூவ, விண்டு வினைபோமே. |
1.091.5 |
மீண்டும் பிறவா நிலையைப் பெற விரும்புகின்றவர்களே, ஆரூரில் எழுந்தருளிய அனைத்துலக நாயகனாகிய இறைவனைச் சென்று கண்டு மலர் தூவி வழிபடுங்கள். பிறப்புக்குக் காரணமான வினைகள் விண்டுபோம். பிறவா நிலை எய்தலாம்.
986 |
பாச மறுப்பீர்காள், ஈச னணியாரூர் வாச மலர்தூவ, நேச மாகுமே. |
1.091.6 |
உயிரோடு பிணைந்துள்ள பாசம் அகல வேண்டுமென விரும்புகின்றவர்களே, அழகிய ஆரூரில் எழுந்தருளியுள்ள ஈசனை மணம் பொருந்திய மலர்களைத் தூவி வழிபடுங்கள். உம்பால் அவனது நேசம் உளதாகும். பாசம் அகலும்.
987 |
வெய்ய வினைதீர, ஐய னணியாரூர் செய்ய மலர்தூவ, வைய முமதாமே. |
1.091.7 |
கொடிய வினைகள் தீர வேண்டுமென விரும்புகின்றவர்களே, அழகிய ஆரூரில் எழுந்தருளிய அனைத் துயிர்க்கும் தலைவனாகிய இறைவனைச் செம்மையான மலர்களைத் தூவி வழிபடுங்கள். உலகம் உம்முடையதாகும்.
988 |
அரக்க னாண்மையை, நெருக்கி னானாரூர் கரத்தி னாற்றொழத், திருத்த மாகுமே. |
1.091.8 |
அரக்கர் தலைவனாகிய இராவணனின் ஆற்றலைக் கால்விரல் ஒன்றால் நெருக்கி அடர்த்து அழித்து ஆரூரில் எழுந்தருளிய இறைவனைக் கைகளால் தொழுவீர்களாக. உமது மனக்கோணல் நீங்கும், திருத்தம் பெறலாம்.
989 |
துள்ளு மிருவர்க்கும், வள்ள லாரூரை உள்ளு மவர்தம்மேல், விள்ளும் வினைதானே. |
1.091.9 |
செருக்குற்றுத்துள்ளிய திருமால் பிரமரின் செருக்கு அடக்கி அருள் செய்த, ஆரூரில் எழுந்தருளிய வள்ளற் பெருமானை மனத்தால் நினைத்து வழிபட வல்லவர்களின் வினைகள் நீங்கும்.
990 |
கடுக்கொள்சீவரை, அடக்கி னானாரூர் எடுத்து வாழ்த்துவார், விடுப்பர் வேட்கையே. |
1.091.10 |
கடுக்காயைத் தின்று துவர் ஆடை போர்த்துத் திரியும் சமண புத்தர்களை அடக்கியவனாகிய ஆரூர் இறைவனே பரம் பொருள் எனச் சிறப்பித்து வாழ்த்துவார், வேட்கை என்னும் ஆசையை விடுப்பர்.
991 |
சீரூர் சம்பந்தன், ஆரூ ரைச்சொன்ன பாரூர் பாடலார், பேரா ரின்பமே. |
1.091.11 |
சிறப்புப் பொருந்திய ஞானசம்பந்தன் ஆரூர் இறைவன்மீது பாடிய உலகம் முழுதும் பரவிய பாடல்களைப் பாடி வழிபட வல்லவர் இன்பத்தினின்று நீங்கார்.
திருச்சிற்றம்பலம்
தேடல் தொடர்பான தகவல்கள்:
முதல் திருமுறை-தேவாரப் பதிகங்கள் - 1.091.திருஆரூர் - திருவிருக்குக்குறள் , ஆரூரில், விரும்புகின்றவர்களே, எழுந்தருளிய, மலர்தூவ, தூவி, வினைகள், வழிபடுங்கள், னணியாரூர், தலைவனாகிய, அழகிய, திருமுறை, மாகுமே, மலர்களைத், திருஆரூர், திருவிருக்குக்குறள், பொருந்திய, வேண்டுமென, பாசம், கண்டு, பிறவா, இறைவனைச், உலகம், நெருக்கி, வாழ்த்துவார், விடுப்பர், ஆரூர், வழிபட, அடக்கி, னானாரூர், நீங்கும், மறுப்பீர்காள், தேவாரப், எய்தலாம், எழுந்தருளியிருக்கும், நிலை, காரணமான, கொள்ள, இறைவனை, நீங்கித், யாகுமே, இறைவனைக், மலர், பதிகங்கள், வினைதானே, திருச்சிற்றம்பலம், னாரூரைக், பெறலாம்