சக்கரியாஸ் ஆகமம் - பழைய ஏற்பாடு

¹ மீண்டும் நான் கண்களை உயர்த்திய போது, இதோ, பறக்கின்ற ஓலைச்சுருள் ஒன்றைக் கண்டேன்.

² அந்தத் தூதர், "என்ன பார்க்கின்றாய்?" என்று என்னைக் கேட்க, நான், "பறக்கும் ஓலைச்சுருள் ஒன்றைக் காண்கிறேன்@ அதன் நீளம் இருபது முழமும், அகலம் பத்து முழமும் உள்ளது" என்றேன்.

³ அதற்கு அவர் என்னிடம், "நாடெங்கும் உலவி வரும் சாபனையே இது@ ஏனெனில் கள்வனெவனும் அதில் எழுதப்பட்டுள்ளபடி இங்கிருந்து விரட்டப்படுவான்@ பொய்யாணை இடுகிறவனெவனும் அதில் எழுதப்பட்டுள்ளபடி இங்கிருந்து விரட்டப்படுவான்.

⁴ நாம் அதனை வெளியில் அனுப்புவோம், என்கிறார் சேனைகளின் ஆண்டவர்@ அது கள்வன் வீட்டிலும், நமது திருப்பெயரால் பொய்யாணை செய்கிறவன் வீட்டிலும் நுழைந்து, அங்கே தங்கி, மரங்கள், கற்கள் இவற்றோடு அவ்வீட்டையும் அழித்து விடும்" என்றார்.

⁵ என்னிடம் பேசிய தூதர் வெளியே வந்து, என்னிடம், "உன் கண்களை உயர்த்திப் பார், அங்கே போவது என்ன?" என்று கேட்டார்.

⁶ என்ன அது?" என்று நான் திரும்பிக்கேட்டேன். அவர், "அது வெளியேறிப்போகும் மரக்கால்" என்றார். தொடர்ந்து அவரே, "அதுதான் உலகெங்கும் பரவியிருக்கும் அக்கிரமம்" என்று சொன்னார்.

⁷ இதோ, அதனுடைய ஈயமூடி திறக்கப்பட்டது@ மரக்காலுக்குள் பெண்ணொருத்தி உட்கார்ந்திருப்பதைக் கண்டேன்!

⁸ அப்போது அந்தத் தூதர், "இவளே அந்த அக்கிரமம்" என்றார்@ உடனே, அவளை அந்த மரக்காலுக்குள் திணித்து அதன் வாயைப் பளுவான ஈயமூடியால் அடைத்தார்.

⁹ இப்போது என் கண்களை ஏறெடுத்துப் பார்த்தேன்@ இதோ, இரண்டு பெண்கள் வெளிப்பட்டார்கள்! நாரையின் இறக்கைகள் போல் அவர்களுக்கும் இறக்கைகள் இருந்தன@ அவற்றில் காற்று நிரம்பியிருந்தது@ அவர்கள் அந்த மரக்காலை விண்ணுக்கும் மண்ணுக்கும் இடையில் தூக்கிக் கொண்டு பறந்தனர்.

¹⁰ என்னிடம் பேசிய தூதரைப் பார்த்து, "மரக்காலை எங்கே தூக்கிக்கொண்டு போகிறார்கள்?" என்று கேட்டேன்.

¹¹ அவர், "சென்னார் நாட்டுக்குக் கொண்டுபோகிறார்கள்@ ஆங்கே அதற்கொரு கோயில் கட்டப்போகிறார்கள்@ கட்டியானதும், மரக்காலை அதற்குரிய மேடையில் வைப்பார்கள்" என்றார்.