தானியேல் ஆகமம் - பழைய ஏற்பாடு

¹ நபுக்கோதனசார் அரசன் அறுபது முழ உயரமும், ஆறு முழ அகலமுமான பொற்சிலையொன்றைச் செய்வித்து, அதைப் பபிலோன் மாநிலத்திலிருந்த தூரா என்னும் சமவெளியில் நாட்டி வைத்தான்.

² பின்பு, மாநிலத் தலைவர்களையும் அதிகாரிகளையும் ஆளுநர்களையும் ஆலோசனைக் குழுவினர்களையும் நிதிப்பொறுப்பாளர்களையும் நீதிபதிகளையும் குற்ற விசாரணைக்காரர்களையும், மாநிலங்களின் மற்றெல்லா அலுவலர்களையும் நபுக்கோதனசார் அரசன் தான் நிறுத்திய படிமத்தின் பிரதிட்டைக்கு வரும்படி கட்டளை அனுப்பினான்.

³ அவ்வாறே மாநிலத் தலைவர்களும் அதிகாரிகளும் ஆளுநர்களும் ஆலோசனைக் குழுவினர்களும் நிதிப் பொறுப்பாளர்களும் நீதிபதிகளும் குற்ற விசாரணைக்காரர்களும், மாநிலங்களின் மற்றறெல்லா அலுவலர்களும் மன்னன் நபுக்கோதனசார் நாட்டிய படிமத்தின் பிரதிட்டைக்கு வந்து சேர்ந்துள்ளார்கள்@ நபுக்கோதனசார் நிறுத்திய சிலையின் முன்னால் நின்றார்கள்.

⁴ கட்டியக்காரன் உரத்த சத்தமாய்க் கூவி, "இதனால் மக்களனைவருக்கும், எல்லா இனத்தவர்க்கும் மொழியினர்க்கும் அறிவிக்கப்படுவது என்னவென்றால்:

⁵ எக்காளம், நாகசுரம், கின்னரம், சாம்புகை, சுரமண்டலம், தம்புரு முதலிய எல்லா வகை இசைக் கருவிகளும் ஒலிக்கத் தொடங்கிய அந்த நொடியிலே, நீங்கள் தாழ விழுந்து, நபுக்கோதனசார் அரசன் நிறுத்திய பொற்சிலையைப் பணிதல் வேண்டும்.

⁶ எவனாகிலும் தாழ விழுந்து பணியவில்லையெனில் அவன் அந்நேரமே தீச்சூளையில் போடப்படுவான்" என்றான்.

⁷ ஆகையால், எக்காளம், நாசுகரம் கின்னரம், சாம்புகை, சுரமண்டலம், தம்புரு முதலிய எல்லா வகை இசைக் கருவிகளும் ஒலிக்கத் தொடங்கியவுடனே, எல்லா மொழியினரும் தாழ விழுந்து மன்னன் நபுக்கோதனசார் நிறுத்திய சிலையைப் பணிந்து தொழுதார்கள்.

⁸ உடனே, அப்பொழுது கல்தேயர் சிலர் அணுகி வந்து யூதர்கள் மேல் குற்றம் சாட்டினார்கள்.

⁹ மன்னன் நபுக்கோதனசாரிடம் அவர்கள் கூறினர்: "அரசே, நீர் நீடுழி வாழ்க!

¹⁰ அரசே, எக்காளம், நாகசுரம், கின்னரம், வீணை, சாம்புகை, சுரமண்டலம், தம்புரு முதலிய எல்லா வகை இசைக் கருவிகளும் ஒலிக்கக் கேட்கும் எந்த மனிதனும் உடனே தாழ விழுந்து பொற்சிலையைப் பணிய வேண்டும் என்றொரு கட்டளை பிறப்பித்தீர்@

¹¹ எவனாகிலும் தாழ விழுந்து பணியாமற் போனால் அவன் எரிகிற தீச்சூளையில் போடப்படுவான் என்றும் நீர் ஆணை விடுத்தீர்.

¹² ஆனால் அரசே, பபிலோன் மாநிலத்தின் காரியங்களைக் கண்காணிக்கும்படி நீர் ஏற்படுத்திய சித்ராக், மிசாக், அப்தேநாகோ என்னும் யூதர்கள் இருக்கிறார்களே, அவர்கள் உமது கட்டளையை அவமதித்து, உம் தெய்வங்களை வணங்காமல், நீர் நாட்டி வைத்த பொற்சிலையைப் பணியாமலிருக்கிறார்கள்."

¹³ அப்போது நபுக்கோதனசார் கடுஞ்சினங் கொண்டு, சித்ராக்கையும் மிசாக்கையும் அப்தேநாகோவையும் கொண்டு வரும்படி கட்டளையிட்டான்@ உடனே அவர்கள் அரசன் முன்னிலையில் கொண்டு வரப்பட்டனர்.

¹⁴ நபுக்கோதனசார் அவர்களை நோக்கி, "சித்ராக், மிசாக், அப்தேநாகோ, நீங்கள் மூவரும் என் தெய்வங்களை வணங்காமலும், நான் நாட்டிய பொற்சிலையைப் பணியாமலும் இருந்தது உண்மை தானா?

¹⁵ இப்போதாவது, எக்காளம், நாகசுரம், கின்னரம், வீணை, சாம்புகை, சுரமண்டலம், தம்புரு முதலிய எல்லா வகை இசைக் கருவிகளும் ஒலிக்கக் கேட்கும் போது, நீங்கள் தாழவிழுந்து நான் செய்த சிலையைப் பணியத் தயாராயிருக்கிறீர்களா? பணியா விட்டால் அந்த நொடியிலே எரிகிற தீச்சூளையில் போடப்படுவீர்கள்@ உங்களை என் கைகளிலிருந்து தப்புவிக்கக்கூடிய கடவுள் யார் இருக்கிறார்?" என்றான்.

¹⁶ அதற்குச் சித்ராக், மிசாக், அப்தேநாகோ என்பவர்கள் மன்னன் நபுக்கோதனசாரை நோக்கி, "இதைப்பற்றி உமக்கு மறுமொழி சொல்ல எங்களுக்குக் கடமையில்லை.

¹⁷ ஏனெனில், அரசே, நாங்கள் வழிபடுகின்ற எங்கள் கடவுள், எரிகிற தீச்சூளையினின்றும் உம் கைகளினின்றும் எங்களைக் காப்பாற்றி மீட்க வல்லவர்.

¹⁸ அப்படியே அவருக்கு மனமில்லாமற்போயினும் உம்முடைய தெய்வங்களுக்குப் பணிபுரியோம், நீர் நாட்டிய பொற்சிலையைப் பணிய மாட்டோம்@ இதெல்லாம் உமக்குத் தெரிந்திருக்கட்டும், அரசே" என்றார்கள்.

¹⁹ அப்போது மன்னன் நபுக்கோதனசாருக்கு கடுஞ்சின மூண்டது@ கடுகடுப்பான முகத்தோடு சித்ராக், மிசாக், அப்தேநாகோ ஆகியவர்களைப் பார்த்தான்@ சாதாரணமாய்ச் சூடாக்குவதை விடத் தீச்சூளையை ஏழு மடங்கு மிகுதியாய்ச் சூடாக்கும்படி அரசன் கட்டளையிட்டான்.

²⁰ பின்பு சித்ராக், மிசாக், அப்தேநாகோ என்பவர்களின் கால்களைக் கட்டி, அவர்களை அந்த எரிகிற சூளையில் போடும்படி தன் படைவீரர்களுள் மிகுந்த உடல் வலிமையுள்ளவர்களுக்குக் கட்டளையிட்டான்.

²¹ உடனே அந்த மனிதர்களை அவர்களுடைய மேற்போர்வையோடும் தலைப்பாகையோடும் மிதியடிகளோடும் ஆடைகளோடும் சேர்த்துச் சங்கிலிகளால் கட்டி எரிகிற தீச்சூளையின் நடுவில் போட்டார்கள்.

²² ஏனெனில் அரசனின் கட்டளையை உடனடியாய் நிறைவேற்ற வேண்டியிருந்தது@ தீச்சூளையோ மிக வெப்பமாய் இருந்தது@ ஆகையால் சித்ராக், மிசாக், அப்தேநாகோ ஆகியோரைத் தீச்சூளையில் எரிவதற்குத் தூக்கிச் சென்றவர்களை அந்தத் தீப்பிழம்பு சுட்டெரித்துச் சாகடித்தது.

²³ சித்ராக், மிசாக், அப்தேநாகோ ஆகிய மூவரும் கட்டுண்டவர்களாய் எரிகிற தீச்சூளையின் நடுவில் விழுந்தார்கள்.

²⁴ தீச்சூளையின் நடுவில் அசாரியாஸ் பாடிய பாடல்: ஆனால் அவர்கள் கடவுளைப் போற்றிப் பாடிக்கொண்டும், ஆண்டவரைப் புகழ்ந்து கொண்டும் தீச்சூளையின் நடுவில் உலாவிக்கொண்டிருந்தார்கள்.

²⁵ அப்போது அசாரியாஸ் எழுந்து நின்று நெருப்பின் நடுவில் வாய் விட்டு வேண்டிக் கொண்டார்@ அவர் சொல்லிய செபம் இதுவே:

²⁶ எங்கள் தந்தையரின் இறைவனாகிய ஆண்டவரே, நீர் வாழ்த்தப் பெறுவீராக! உமது திருப்பெயர் என்றென்றும் புகழப்படுக! அதற்கு மகிமை உண்டாகுக!

²⁷ ஏனெனில், நீர் எங்களுக்குச் செய்தவற்றிலெல்லாம் நீதியுள்ளவராய் இருக்கிறீர்@ உம் செயல்கள் அனைத்தும் மெய்யானவை, உம் நெறிமுறைகள் நேர்மையானவை@ உம் தீர்மானங்கள் உண்மையுள்ளவை.

²⁸ எங்கள் மேலும் எங்கள் தந்தையரின் திருநகரமாகிய யெருசலேமின் மேலும் நீர் வரச்செய்த அனைத்திலும் உம்முடைய தீர்ப்புகள் உண்மையானவை@ ஏனெனில் எங்கள் பாவங்களை முன்னிட்டே நீர் உண்மையோடும் நீதியோடும் எங்கள்மேல் அவற்றையெல்லாம் வரச்செய்தீர்.

²⁹ ஏனெனில் நாங்கள் பாவம் செய்தோம். உம்மை விட்டகன்று நீதிக்கொவ்வாமல் நடந்தோம், எல்லாவற்றிலும் துரோகம் செய்தோம்.

³⁰ நாங்கள் உம் கட்டளைகளுக்குச் செவி சாய்க்கவில்லை, அவற்றைக் கடைப்பிடிக்கவுமில்லை@ நாங்கள் நன்றாய் இருக்கும்படி நீர் கட்டளையிட்டவற்றை நாங்கள் செய்யவுமில்லை.

³¹ ஆகையால் நீர் எங்களுக்கு அனுப்பினவை யாவும், எங்களுக்கு நீர் செய்தவை அனைத்துமே நீதி நியாயத்தின்படியே நீர் செய்திருக்கிறீர்.

³² அக்கிரமிகளும் கொடியவர்களும் அநீதர்களுமான எங்கள் எதிரிகள் கையில் எங்களை விட்டு விட்டீர்@ உலகிலேயே மிகக் கொடியவனான அநீத அரசனிடம் நீர் எங்களைக் கையளித்து விட்டீர்.

³³ ஆனால் இப்பொழுதோ நாங்கள் வாய் திறக்கவும் இயலாது@ உம் அடியார்களும், உம்மைப் பணிகிறவர்களும் நகைப்புக்கும் வெட்கத்திற்கும் உள்ளானார்கள்.

³⁴ உம் திருப்பெயரை முன்னிட்டு என்றென்றைக்கும் எங்களைக் கைவிட்டு விடாதீர்@ உமது உடன்படிக்கை வீணாய்ப் போக விடாதீர்.

³⁵ உம்முடைய அன்பர் ஆபிரகாமைப் பற்றியும், உம் ஊழியர் ஈசாக் என்பவரைப் பற்றியும், உம்முடைய பரிசுத்தனாகிய இஸ்ராயேலைப் பற்றியும் எங்களை விட்டு உம் இரக்கத்தை நீக்காதீர்.

³⁶ ஏனெனில், நீர் அவர்களுடைய வித்தினை வானத்து விண்மீன்கள் போலும், கடலோரத்து மணலைப் போலும் பெருகப் பண்ணுவதாக வாக்குறுதி செய்தீரே!

³⁷ ஆண்டவரே, நாங்கள் மற்றெந்த இனத்தாரையும் விட எண்ணிக்கையில் குறைந்து போனோம்@ எங்கள் பாவங்களின் காரணத்தால் இன்று இவ்வுலகிலேயே மிகவும் தாழ்வடைந்து விட்டோம்.

³⁸ இப்பொழுதோ எங்களுக்கு அரசனில்லை, இறைவாக்கினரோ தலைவரோ யாருமில்லை@ தகனப்பலியில்லை, எவ்வகைப் பலியுமில்லை@ காணிக்கையோ தூபமோ கிடையாது@ உமது முன்னிலையில் முதற் கனிகளைப் படைக்கவோ, உமது இரக்கத்தைப் பெறவோ இடமே கிடையாது.

³⁹ ஆயினும் வருந்துகின்ற உள்ளத்தோடும், தாழ்மையான சிந்தையோடும் உள்ள எங்களை ஏற்றருளும்@

⁴⁰ செம்மறிக் கடாக்களையும் எருதுகளையும் முற்றிலும் எரித்துச் செலுத்தப்படும் தகனப் பலியைப் போலவும், பல்லாயிரம் கொழுத்த செம்மறிப்புருவைகளின் பலியைப் போலவும் எங்களுடைய பலி உமக்கு உகந்ததாய் இருக்கும்படி இன்றைக்கு உம் முன்னிலையில் எழும்புவதாக! ஏனெனில் உம்மை நம்பினோர்க்குக் கலக்கமில்லை.

⁴¹ இப்பொழுது நாங்கள் உம்மை முழு உள்ளத்தோடு பின்பற்றுகிறோம், உமக்கு அஞ்சி, உமது முகத்தை நாடுகிறோம்.

⁴² எங்களை அவமானத்துக்கும் உள்ளாக்காதீர், உமது பரிவுக்கேற்பவும், இரக்கப் பெருக்கத்தின்படியும் எங்களை நடத்தியருளும்.

⁴³ ஆண்டவேர, உம் வியத்தகு செயல்களால் எங்களை மீட்டு உமது திருப்பெயருக்கு மகிமை தேடித் தந்தருளும்.

⁴⁴ உம் அடியார்களுக்குத் துன்பம் கொடுக்கும் அனைவரும் அவமானத்திற்கு ஆளாவார்களாக! அவர்கள் ஆற்றில் எல்லாம் இழந்து தாழ்த்தப்படுவார்களாக! அவர்களது வல்லமையும் நொறுக்கப்படுவதாக!

⁴⁵ நீர் ஒருவரே இறைவானாகிய ஆண்டவரென்பதையும், இவ்வுலகம் முழுவதிலும் மகிமையுள்ளவர் என்பதையும் அவர்கள் அறிந்து கொள்வார்களாக!"

⁴⁶ இது இவ்வாறிருக்க, அவர்களைத் தீச்சூளையில் போட்டவர்களான அரசனுடைய ஊழியர்கள் சூளையின் மணலில் நிலக்கீல், குங்கிலியம், சணற்கூளம், விறகுச் சுள்ளிகள் ஆகியவற்றை ஓயாமல் இட்டு தீ வளர்த்துக் கொண்டே இருந்தார்கள்.

⁴⁷ தீயானது சூளைக்கு மேல் நாற்பத்தொன்பது முழம் எழும்பிற்று@

⁴⁸ அது வெளியிலும் தாவிச் சூளையின் அருகில் நின்றிருந்த கல்தேயர்களைப் பொசுக்கி விட்டது.

⁴⁹ ஆண்டவருடைய தூதரோ அசாரியாசோடும், அவருடைய தோழர்களோடும் சூளைக்குள் இறங்கி, தீக்கொழுந்தைச் சூளையினின்றும் வெளியே செல்லச் செய்தார்@

⁵⁰ மேலும் சூளையின் நடுவில் குளிர்ந்த காற்று வீசும்படி செய்தார்@ ஆகவே நெருப்பு அவர்களைத் தொடவே இல்லை@ அவர்கள் கொஞ்சமும் வருத்தமோ துன்பமோ அடையவில்லை.

⁵¹ இளைஞர் மூவரின் பாடல்: அப்பொழுது அந்த மூவரும் ஒரு வாய்ப்பட அந்தச் சூளையிலேயே கடவுளைப் போற்றி வாழ்த்திப் புகழ்ந்தனர்@ அவர்கள் பாடிய புகழ்ப்பண் இதுவே:

⁵² எங்கள் தந்தையரின் இறைவனாகிய ஆண்டவரே, நீர் புகழ் பெறுவீராக! என்றென்றும் நீர் போற்றப்படவும், உயர்த்தப்படவும் தகுதியுள்ளவர். உமது மகிமையுள்ள திருப்பெயர் புகழப்படுவதாக! என்றென்றும் போற்றப்படவும் உயர்த்தப்படவும் கடவதாக!

⁵³ உமது மகிமையுள்ள பரிசுத்த கோயிலில் நீர் புகழப்படுவீராக! என்றென்றும், எல்லாருக்கும் மேலாக வாழ்த்தும் மகிமையும் பெறுவீராக!

⁵⁴ உமது அரசின் அரியணையில்மேல் நீர் புகழப்படுவீராக! என்றென்றும் வாழ்த்தும் உயர்ச்சியும் பெறுவீராக!

⁵⁵ கெருபீம்கள் மேல் அமர்ந்து பாதாளத்தைக் காண்கிறவரே, நீர் புகழப்படுவீராக! என்றென்றும் போற்றுதலும் உயர்ச்சியும் பெறுவீராக!

⁵⁶ வானகத்திலே நீர் புகழப்படுவீராக! என்றென்றும் வாழ்த்தும் மகிமையும் பெறுவீராக!

⁵⁷ ஆண்டவருடைய எல்லாப் படைப்புகளே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁵⁸ ஆண்டவருடைய தூதர்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁵⁹ வான மண்டலங்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶⁰ வான மண்டலத்திற்கும் மேலிருக்கும் நீர் நிலைகளே, நீங்கள் அனைவரும்

⁶¹ ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்: ஆண்டவருடைய வல்லமைகளே, நீங்கள் அனைவரும் ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶² கதிரவனே, நிலவே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶³ விண்மீன்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶⁴ மழையே, பனியே, அனைவரும் ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶⁵ காற்றுகளே, அனைவரும் ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶⁶ தீயே, வெப்பமே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶⁷ குளிரே, வெயிலே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶⁸ பனித்திவலைகளே, மூடுபனியே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁶⁹ உறைபனியே, குளிரே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷⁰ பனிமலையே, பனிக்கட்டிகளே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷¹ இரவே, பகலே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷² ஒளியே, இருளே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷³ மின்னல்களே, மேகங்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷⁴ நிலவுலகம் ஆண்டவரைப் புகழ்வதாக! என்றென்றும் அவரை வாழ்த்தி உயர்த்துவதாக!

⁷⁵ மலைகளே, குன்றுகளே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷⁶ தரையில் தளிர்ப்பவையே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷⁷ நீரூற்றுகளே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷⁸ கடல்களே, ஆறுகளே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁷⁹ திமிங்கிலங்களே, நீர்வாழ் உயிர்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁸⁰ வானத்துப் பறவைகளே, அனைவரும் ஆண்டவரைப் புகழுங்கள், என்றென்றும்

⁸¹ அவரை வாழ்த்தி உயர்த்துங்கள்: மிருகங்களே, ஆடுமாடுகளே, அனைவரும் ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁸² மணமக்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁸³ இஸ்ராயேல் ஆண்டவரைப் புகழ்வதாக! என்றென்றும் அவரை வாழ்த்தி உயர்த்துவதாக!

⁸⁴ ஆண்டவரின் அர்ச்சகர்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁸⁵ ஆண்டவரின் ஊழியர்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁸⁶ நீதிமான்களின் உள்ளங்களே, ஆன்மாக்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁸⁷ இதயத்தில் தூய்மையும் தாழ்ச்சியும் உள்ளவர்களே, ஆண்டவரைப் புகழுங்கள், என்றென்றும் அவரை வாழ்த்தி உயர்த்துங்கள்.

⁸⁸ அனானியாசே, அசாரியாசே, மிசாயேலே, ஆண்டவரைப் புகழுங்கள். என்றென்றும் அவரை வாழ்த்தி உயர்த்துங்கள். ஏனெனில் அவர் நம்மைப் பாதாளத்தினின்று மீட்டார், சாவின் பிடியிலிருந்து நம்மை விடுவித்தார்@ கொழுந்து விட்டெரியும் தீச் சூளையின் வெந்தணலிலிருந்து நம்மை மீட்டு, நெருப்பின் நடுவிலிருந்து காத்தார்.

⁸⁹ ஆண்டவர்க்கு நன்றி கூறுங்கள், ஏனெனில் அவர் நல்லவர், அவருடைய இரக்கம் என்றென்றும் நீடிக்கிறது.

⁹⁰ இறையடியார்களே, தேவர்க்கெல்லாம் இறைவனான ஆண்டவரைப் புகழுங்கள், அவரை வாழ்த்திப் போற்றுங்கள், ஏனெனில் அவருடைய இரக்கம் என்றென்றும் நீடிக்கிறது."

⁹¹ அரசன் புதுமையை ஏற்றுக் கொள்ளுகிறான்: அப்போது மன்னன் நபுக்கோதனசார் வியப்புற்று விரைந்தெழுந்தான்@ தன் அமைச்சர்களை நோக்கி, "மூன்று மனிதர்களையல்லவா கட்டி நெருப்பின் நடுவில் எறிந்தோம்?" என்று வினவினான்@ அதற்கு அவர்கள், "ஆம், அரசே" என்று விடை தந்தனர்.

⁹² அதற்கு அவன், "கட்டவிழ்க்கப் பட்டவர்களாய் நெருப்பின் நடுவில் இதோ, நான்கு பேர் உலாவுகிறதை நான் காண்கிறேனே! அவர்களுக்கோ ஒருவகைத் துன்பமும் நேரவில்லை@ மேலும் நான்காம் பேர்வழியின் சாயல் உம்பருலகத்தார் சாயல் போல் இருக்கிறதே!" என்றான்.

⁹³ அப்போது நபுக்கோதனசார் எரிகிற தீச்சூளையின் வாயிலண்டை வந்து, "உன்னத கடவுளின் ஊழியர்களாகிய சித்ராக், மிசாக், அப்தேநாகோ ஆகியோரே, வெளியே வாருங்கள்" என்றான். உடனே சித்ராக், மிசாக், அப்தேநாகோ ஆகியவர்கள் தீயின் நடுவிலிருந்து வெளியே வந்தார்கள்.

⁹⁴ மாநிலத் தலைவர்களும் அதிகாரிகளும் ஆளுநர்களும், அரசனின்

⁹⁵ ஆலோசனைக்காரர்களும் கூடிவந்து, அந்த மனிதர்களின் உடலில் தீயே படாமலும், அவர்களுடைய தலைமயிர் கருகாமலும், அவர்களுடைய மேற்போர்வை தீயாமலும், அவர்களிடத்தில் நெருப்பின் புகை நாற்றம் வீசாமலும் இருப்பதைக் கண்டார்கள்: அப்போது நபுக்கோதனசார் உரத்த குரலில் கூவிச் சொன்னான்: "சித்ராக், மிசாக், அப்தேநாகோ ஆகியவர்களின் கடவுள் புகழப்படுவாரக! தங்கள் கடவுளைத் தவிர வேறெந்தக் கடவுளையும் சேவித்துப் பணியாமல், அவரையே நம்பி, அரசனது கட்டளையைப் பொருட்படுத்தாமல் தங்கள் உடலைக் கையளித்த தம்முடைய ஊழியர்களை அவர் தம் தூதரை அனுப்பி மீட்டார்.

⁹⁶ ஆதலால், சித்ராக், மிசாக், அப்தேநாகோ இவர்களின் கடவுளுக்கு எதிராகப் பழிச்சொல் கூறுகிற எந்த மக்கள் குலத்தவனும் எந்த இனத்தானும் எந்த மொழியினனும் வாளுக்கு இரையாகி மாண்டு போவான் என்றும், அவனுடைய வீடும் தரையாய் மீட்கும் ஆற்றலுள்ள கடவுள் வேறொருவருமில்லை."

⁹⁷ பிறகு அரசன், சித்ராக், மிசாக், அப்தேநாகோ என்பவர்களைப் பபிலோன் மாநிலத்தில் பெருமையளித்து உயர்த்தினான்.

⁹⁸ கனவில் கிடைத்த எச்சரிக்கையும் நபுக்கோதனசாருக்குப் பைத்தியம் பிடித்தலும்: நபுக்கோதனசார் அரசனாகிய நான் உலகில் எங்கணுமுள்ள எல்லா மக்களுக்கும் இனத்தார்க்கும் மொழியினர்க்கும் அறிவிப்பது: "உங்களுக்குச் சமாதானம் பெருகுவதாக!

⁹⁹ உன்னத கடவுள் எனக்காக வியத்தகு அடையாளங்களையும் விந்தைகளையும் செய்தருளினார்@ அவற்றை அனைவர்க்கும் வெளிப்படையாய்ச் சொல்லிக்காட்ட விரும்புகிறேன்:

¹⁰⁰ அவர் செய்து காட்டிய அடையாளங்கள் எவ்வளவு உயர்ந்தவை! அவர் செய்த விந்தைகள் எவ்வளவு வல்லமை மிக்கவை! அவரது அரசு முடிவில்லாத அரசு, அவருடைய வல்லமை என்றென்றும் இருக்கிறது."