7. பொருகளத் தலகை வகுப்பு - திருவகுப்பு
|
அதிர்த்த பரிபுர பதத்தி பயிரவி அமைத்த கரதலி ப்ரியத்தை யுடையன |
1 |
அடித்த தமருக கரத்தர் பயிரவர் நடித்த நவரச நடத்தை யறிவன |
2 |
அருக்கர் பதமல வுடுக்கள் பதமள வடுக்கு பிணமொரு குறட்டி லடைசுவ |
3 |
அளக்கர் உடைபட மிகுத்த குருதியை அடைத்து மடைபட வுடைத்து விடுவன |
4 |
அரக்கர் முடிகளை யடுப்பு வகிர்வன அவற்றின் உலையென இரத்தம் விடுவன |
5 |
அடுக்கல் எனுமவர் எயிற்றை யவர்கர அகப்பை யவைகொடு புகட்டி அடுவன |
6 |
அமிழ்த்தி அடிவிழு பிணத்தின் நிணவெளி றளற்றி னிடையடி வழுக்கி விழுவன |
7 |
அடப்பை யிடவரும் அணுக்க ருடன்வரு தடக்கை மதமலை நடத்தி வருவன |
8 |
குதித்து மகிழ்வொடு மிதித்து நடமிடு குறட்கு மிகுதசை கொடுத்து வருவன |
9 |
கொழுத்த குரகத இறைச்சி வகைவகை குவித்து முறைமுறை அவித்து நுகர்வன |
10 |
குருத்து மலரினும் வெளுத்த நிணமது கொளுத்தி அனலதில் வெதுப்பி யிடுவன |
11 |
குதட்டி நெடுயன உதட்டில் இடுதசை கொடிக்கு முதுசின நரிக்கும் உமிழ்வன |
12 |
குணக்கு வளைகடல் வடக்கி யமதிசை குடக்கு முழுவது மடக்கு வயிறின |
13 |
குரக்கு மிடறின கரத்தில் எழுகிரி குலுக்கி யடியொடு பறித்து நிமிர்வன |
14 |
குதித்து முழுகியும் இரத்த நதியிடை குடித்தும் உணர்வொடு களித்து வருவன |
15 |
குறத்தி யிறைவனை நிறைத்து மலரடி குறித்து வழிபடு குணத்தை யுடையன |
16 |
துதிக்கை மலைகளை அடுக்கி அலகைகள் துதிக்க அவைமிசை யிருக்கும் அரசின |
17 |
துளக்கம் உறுசுடர் விளக்கை யனையன சுழித்து வெருவர விழித்த விழியின |
18 |
துதித்து வழிபட நடத்தல் குறையன சுகித்து வெளிபட நகைத்து வருவன |
19 |
துணித்த கரியுடல் திணித்த மிடறிடை துவக்கி அவசமொ டுவிக்கி நிமிர்வன |
20 |
தொலைத்த முடிநிரை பரப்பி வயிரவர் சுழற்றி நடமிடு துருத்தி இடுவன |
21 |
துணுக்கம் உளஅவர் துணுக்கம் இலையென எடுத்த கழிநெடில் படித்து வருவன |
22 |
சுரர்க்கு மகபதி தனக்கும் இனியொரு துளக்கம் இலையென மகிழ்ச்சி புகல்வன |
23 |
தொகுக்கு தொகுதொகு தொகுக்கு தொகுதொகு தொகுக்கு தொகுஎன நடித்து வருவன |
24 |
எதிர்த்து மலைவன முடித்து வெளிமுக டிடித்து விழும்இடி இடித்த குரலின |
25 |
இரட்டை இளமதி உதித்த எனவெளி றெயிற்றில் நிலவெழும் இருட்டு வடிவின |
26 |
இயக்க முறுபல ரதத்தின் உருளைகள் இருத்தி அணிதரு பெருத்த குழையின |
27 |
இடக்கை குடமுழ வுடுக்கை துடிபறை எடுத்து முகிலென முழக்கி வருவன |
28 |
இதத்த கயிசிகம் இனித்த பயிரவி எழுப்பி எழுவகை நிருத்தம் இடுவன |
29 |
இறப்பும் வரும்எழு பிறப்பும் அறஇனி திருத்தும் எனமயில் விருத்த மொழிவன |
30 |
இடைக்க ழியில்ஒரு செருத்த ணியிலினி திருக்கும் அறுமுகன் ஒருத்தன் இளையவன் |
31 |
இளைத்து நிசிசரர் பதைத்து மடியவொர் இமைப்பில் அமர்பொரு களத்தின் அலகையே. |
32 |
தேடல் தொடர்பான தகவல்கள்:
7. பொருகளத் தலகை வகுப்பு - திருவகுப்பு, Thiruvaguppu, முருகன் பாடல்கள், முருக பக்தி நூல்கள், சைவ இலக்கியங்கள், சைவ நூல்கள், சைவ சமய நூல்கள், சைவ சமய இலக்கியங்கள், சைவம், சைவ சமயம் - வருவன, தொகுக்கு, இடுவன, துணுக்கம், துளக்கம், தொகுதொகு, இலையென, நிமிர்வன, யுடையன, விடுவன, குதித்து, நடமிடு, பயிரவி