சத்ய சோதனை - பக்கம் 124
லாமுவில் கப்பல் மூன்று, நான்கு மணிநேரம் நின்றது. துறைமுகத்தைப் பார்ப்பதற்காக இறங்கினேன். காப்டனும் இறங்கிப்போனார். ஆனால், அத்துறைமுகம் அபாயகரமானது என்றும், முன்னாலேயே திரும்பி வந்துவிட வேண்டும் என்றும் அவர் எனக்கு எச்சரிக்கை செய்திருந்தார்.
லாமு மிகச் சிறிய ஊர். துறைமுகக் காரியாலயத்திற்குச் சென்றேன். அங்கே இந்திய குமாஸ்தாக்கள் இருந்ததைக் கண்டு மகிழ்ச்சியடைந்தேன். அவர்களுடன் பேசினேன். ஆப்பிரிக்காக்காரர்களையும் அங்கே பார்த்தேன். அவர்களது வாழ்க்கை முறையை அறிந்துகொள்ளுவதில் எனக்கு அதிகச் சிரத்தை உண்டாயிற்று ; அதை அறிந்துகொள்ளவும் முயன்றேன். இதில் கொஞ்சம் நேரமாயிற்று.
அக்கப்பலின் மூன்றாம் வகுப்புப் பிரயாணிகளில் சிலருடன் எனக்குப் பழக்கம் ஏற்பட்டிருந்தது. தரைக்குப் போய்ச் சமைத்து, அமைதியாகச் சாப்பிட்டுவிட்டு வரவேண்டும் என்பதற்காக அவர்களும் இறங்கியிருந்தனர். அவர்கள் கப்பலுக்குத் திரும்பிவிடத் தயாராக இருந்ததைக் கண்டதும் எல்லோரும் ஒரே படகில் ஏறிப் புறப்பட்டோம். துறைமுகத்தில் அலை, பலமாக இருந்தது. படகிலோ இருக்க வேண்டியதற்கு அதிகமான பளு இருந்தது. அலைகள் வேகமாக அடித்துக் கொண்டிருந்ததால், கப்பலின் ஏணிக்கு அருகில் படகை நிறுத்துவது என்பது முடியாததாகிவிட்டது. படகு ஏணியைத் தொடும்; உடனே ஒரு பலமான அலை வந்து, படகை தூரத்திற்குக் கொண்டுபோய்விடும். கப்பல் புறப்படுவதற்கு, முதல் சங்கும் ஊதியாயிற்று. நான் அதிகச் சஞ்சலம் அடைந்துவிட்டேன். காப்டன் எங்களுடைய தவிப்பையெல்லாம், மேல்தளத்திலிருந்து பார்த்துக் கொண்டிருந்தார். கப்பல், மேற்கொண்டும் ஐந்து நிமிட நேரம்
தேடல் தொடர்பான தகவல்கள்:
சத்ய சோதனை - பக்கம் 124, புத்தகங்கள், கப்பல், நான், பக்கம், எனக்கு, சத்ய, சோதனை, என்றும், இருந்ததைக், படகை, அதிகச், வேண்டும், அங்கே, சொல்லிக், அவர், சிறந்த, சதுரங்கம், இல்லை, காப்டன், எனக்குப், அவருக்கு