பதிற்றுப்பத்து - 11. வெற்றிச் செல்வச் சிறப்பு
துறை : செந்துறைப் பாடாண் பாட்டு
வண்ணம் : ஒழுகு வண்ணம்
தூக்கு : செந்தூக்கு
பெயர் : புண் உமிழ் குருதி
| வரை மருள் புணரி வான் பிசிர் உடைய, வளி பாய்ந்து அட்ட துளங்கு இருங் கமஞ் சூல் நளி இரும் பரப்பின் மாக் கடல் முன்னி, அணங்குடை அவுணர் ஏமம் புணர்க்கும் சூருடை முழு முதல் தடிந்த பேர் இசை, |
5 |
|
கடுஞ் சின விறல் வேள் களிறு ஊர்ந்தாங்கு- செவ் வாய் எஃகம் விலங்குநர் அறுப்ப, அரு நிறம் திறந்த புண் உமிழ் குருதியின், மணி நிற இருங் கழி நீர் நிறம் பெயர்ந்து, மனாலக் கலவை போல, அரண் கொன்று, |
10 |
|
முரண் மிகு சிறப்பின் உயர்ந்த ஊக்கலை; பலர் மொசிந்து ஓம்பிய திரள் பூங் கடம்பின் கடியுடை முழு முதல் துமிய ஏஎய், வென்று எறி முழங்கு பணை செய்த வெல் போர், நார் அரி நறவின், ஆர மார்பின், |
15 |
|
போர் அடு தானைச் சேரலாத!- மார்பு மலி பைந் தார் ஓடையொடு விளங்கும் வலன் உயர் மருப்பின் பழி தீர் யானைப் பொலன் அணி எருத்தமேல் கொண்டு பொலிந்த நின் பலர் புகழ் செல்வம் இனிது கண்டிகுமே |
20 |
|
கவிர் ததை சிலம்பில் துஞ்சும் கவரி பரந்து இலங்கு அருவியொடு நரந்தம் கனவும், ஆரியர் துவன்றிய, பேர் இசை இமயம் தென்அம் குமரியொடு ஆயிடை மன் மீக் கூறுநர் மறம் தபக் கடந்தே. |
25 |
தேடல் தொடர்பான தகவல்கள்:
பதிற்றுப்பத்து - 11. வெற்றிச் செல்வச் சிறப்பு, இலக்கியங்கள், வெற்றிச், பதிற்றுப்பத்து, சிறப்பு, செல்வச், பேர், நிறம், போர், முழு, பலர், வண்ணம், எட்டுத்தொகை, சங்க, புண், உமிழ், இருங்