குறுந்தொகை - 8. மருதம் - காதற் பரத்தை கூற்று
(தலைவி தன்னை இகழ்ந்து கூறினாள் என்று அறிந்த காதற் பரத்தை அத்தலைவியின் பக்கத்திலுள்ளார் கேட்கும்படி, “தலைவன் எமக்கு வயப்பட்டான் போல இங்கே இருந்து விட்டு, தலைவிபாற் சென்றுஅவளுக்கு அடங்கி அவள் மனம்போல் ஒழுகினான்; தருக்குற்று என்னை அவள் இகழ்ந்ததற்குக் காரணம் அதுபோலும்!’’ என்று கூறிய
| கழனி மாஅத்து விளைந்துகு தீம்பழம் பழன வாளை கதூஉ மூரன் எம்மிற் பெருமொழி கூறித் தம்மிற் கையும் காலும் தூக்கத் தூக்கும் ஆடிப் பாவை போல |
5 |
| மேவன செய்யுந்தன் புதல்வன் தாய்க்கே. | |
| - ஆலங்குடி வங்கனார். |
வயல் அருகில் உள்ள மா மரத்தினது கனிந்து வீழ்கின்ற இனிய பழத்தை பொய்கையில் உள்ள வாளை மீன்கள் கவ்வி உண்ணுதற்கு இடமாகிய ஊரை உடைய தலைவன் எம்முடைய வீட்டில் எம்மை வயமாக்குதற்குரிய பெரு மொழிகளைக்கூறிச் சென்று தம்முடைய வீட்டில் முன்னின்றார் தம் கையையும் காலையும் தூக்க தானும் தூக்குகின்ற கண்ணாடியுள் தோன்றுகின்ற பாவையைப்போல தன்னுடைய மனைவிக்கு அவள் விரும்பியவற்றைச் செய்வான்.
முடிபு: ஊரன், எம்மிற் பெருமொழி கூறிப் புதல்வன் தாய்க்குத் தம்மில் மேவன செய்வான்.
கருத்து: தலைவன் தன் மனைவியை அஞ்சி ஒழுகினான்.
தேடல் தொடர்பான தகவல்கள்:
குறுந்தொகை - 8. மருதம் - காதற் பரத்தை கூற்று, இலக்கியங்கள், பரத்தை, காதற், அவள், மருதம், குறுந்தொகை, கூற்று, தலைவன், புதல்வன், உள்ள, வீட்டில், செய்வான், மேவன, ஒழுகினான், எட்டுத்தொகை, சங்க, வாளை, எம்மிற், பெருமொழி