குறுந்தொகை - 54. குறிஞ்சி - தலைவி கூற்று
(தலைவன் வரையாமல் நெடுங்காலம் வந்து பழகுங் காலத்தில் அங்ஙனம் பழகுதலினால் உண்டாகும் ஏதத்தையறிந்து வருந்திய தலைமகள் தோழியை நோக்கி, “ தலைவன் என் பெண்மை நலத்தைக் கொண்டான். இனி அவன் வரைந்து கொண்டாலன்றி அதனைப் பெறேன்” என்றது.)
| யானே யீண்டை யேனே யென்னலனே ஏனல் காவலர் கவணொலி வெரீஇக் கான யானை கைவிடு பசுங்கழை மீனெறி தூண்டிலி னிவக்கும் கானக நாடனொ டாண்டொழிந் தன்றே. |
5 |
| - மீனெறிதூண்டிலார். |
தோழி! இவ்விடத்திலுள்ளேன்; என்னோடு முன்பு ஒன்றியிருந்த எனது பெண்மை நலன் தினைப் புனங் காப்பார் விடும் கவண்கல்லின் ஒலிக்கு அஞ்சி காட்டு யானை கைவிட்ட பசிய மூங்கிலானது மீனைக் கவர்ந்துகொண்ட தூண்டிலைப் போல மேலே செல்லுதற்கு இடமாகிய காட்டையுடைய தலைவனோடு நாங்கள் பழகிய அவ்விடத்தே நீங்கியது.
முடிபு: யான் ஈண்டையேன்; என் நலன் நாடனொடு ஆண்டு ஒழிந்தன்று.
கருத்து: தலைவன் பிரிவினால் யான் பெண்மைநலனிழந்தேன்.
தேடல் தொடர்பான தகவல்கள்:
குறுந்தொகை - 54. குறிஞ்சி - தலைவி கூற்று, இலக்கியங்கள், குறிஞ்சி, தலைவன், குறுந்தொகை, தலைவி, கூற்று, நலன், யான், யானை, சங்க, எட்டுத்தொகை, பெண்மை