குறுந்தொகை - 379. குறிஞ்சி - தோழி கூற்று
(அயலார் தலைவியை வரையும்பொருட்டு வந்த காலத்துத்தலைவிக்குக் கூறுவாளாய், “முன்பு நின்பால் அன்பு பூண்ட தலைவன் இப்பொழுது எங்குள்ளானோ?” என்று தோழி தாய் முதலியோருக்கு உண்மையை வெளிப்படுத்தியது.)
| இன்றியாண் டையனோ தோழி குன்றத்துப் பழங்குழி அகழ்ந்த கானவன் கிழங்கினொடு கண்ணகன் தூமணி பெறூஉம் நாடன் அறிவுகாழ்க் கொள்ளும் அளவைச் செறிதொடி எம்மில் வருகுவை நீயெனப் |
5 |
| பொம்மல் ஓதி நீவி யோனே. | |
| -. .... |
தோழி! குன்றினிடத்தே பழைய குழியைத் தோண்டியவேட்டுவன் கிழங்கினொடு! இடம் அகன்ற தூய மணியைப் பெறும் நாட்டையுடையவனும் செறிந்த தொடியையுடையாய் நின் அறிவு முதிர்கின்றபருவத்தில் நீ எம்முடையவீட்டுக்கு இல்லறம் நடத்த வருவாயென்று கூறி நெருக்கத்தையுடைய கூந்தலை தடவியவனுமாகிய தலைவன் இன்றுஎவ்விடத்தில் உள்ளானோ?
முடிபு: தோழி, நாடன் நீவியோன் இன்று யாண்டையனோ?
கருத்து: நின்பால் அன்புபூண்ட தலைவன் இப்பொழுது எங்கே உள்ளானோ?
தேடல் தொடர்பான தகவல்கள்:
குறுந்தொகை - 379. குறிஞ்சி - தோழி கூற்று, தோழி, இலக்கியங்கள், கூற்று, தலைவன், குறுந்தொகை, குறிஞ்சி, நாடன், உள்ளானோ, கிழங்கினொடு, நின்பால், எட்டுத்தொகை, சங்க, இப்பொழுது