குறுந்தொகை - 310. நெய்தல் - தலைவி கூற்று
(தலைவன் வரைவிடை வைத்துப் பிரிந்த காலத்தில் தன்னை வற்புறுத்திய தோழியின்பாற் சினமுற்று, “என் நிலையைத் தலைவருக்குஉரைப்பாருளராயின் என் உயிர் உளதாகும்” என்று கூறியது.)
| புள்ளும் புலம்பின பூவிங் கூம்பின கானலும் புலம்புநனி யுடைத்தே வானமும் நம்மே போலும் மம்மர்த் தாகி எல்லைகழியப் புல்லென் றன்றே இன்னும் உளெனே தோழி இந்நிலை |
5 |
| தண்ணிய கமழுஞாழல் தண்ணந் துறைவர்க் குரைக்குநர்ப் பெறினே. |
|
| - பெருங்கண்ணனார்.
|
தோழி! பறவைகளும்ஒலித்தன; மலர்களும் குவிந்தன; கடற்கரைச் சோலையும் தனிமையைமிகவுடையதாயிற்று; வானமும்! நம்மையே போன்ற மயக்கத்தையுடையதாகி பகல் கழிய அதனால் பொலிவழிந்தது; இந்த என் நிலைமையை தண்ணியனவாய் மணம் வீசுகின்றமலரையுடைய ஞாழல்கள் வளர்ந்த தண்ணிய அழகிய துறையை உடையதலைவருக்கு உரைப்பாரைப் பெற்றால் இனி மேலும் உயிரோடு இருப்பேனாவேன்.
முடிபு: தோழி, புலம்பின; கூம்பின; உடைத்து; புல்லென்றன்று;துறைவர்க்கு உரைக்குநர்ப் பெறின் இன்னும் உளென்.
கருத்து: யாரேனும் என் துயர்நிலையைத் தலைவனுக்குஉரைப்பாராயின் நன்றாம்.
தேடல் தொடர்பான தகவல்கள்:
குறுந்தொகை - 310. நெய்தல் - தலைவி கூற்று, இலக்கியங்கள், தோழி, தலைவி, நெய்தல், கூற்று, குறுந்தொகை, இன்னும், தண்ணிய, வானமும், கூம்பின, சங்க, புலம்பின, எட்டுத்தொகை