குறுந்தொகை - 160. குறிஞ்சி - தலைவி கூற்று
(வரைபொருட்குப் பிரிந்த தலைவன் நீட்டித்தானாக, ஆற்றாமையை யடைந்த தலைவியை நோக்கித் தோழி, “அவர் நின்னை வரைந்து கொள்வர்; நீ ஆற்றியிருப்பாயாக” என, “அவர் வரவேண்டிய பருவத்து வந்தாரிலர்; இனி வரைந்து கொள்வது யாங்ஙனம்?” என்று கவன்று கூறியது.)
| நெருப்பி னன்ன செந்தலை யன்றில் இறவி னன்ன கொடுவாய்ப் பேடையொடு தடவின் ஓங்குசினைக் கட்சியிற் பிரிந்தோர் கையற நரலு நள்ளென் யாமத்துப் பெருந்தண் வாடையும் வாரார் |
5 |
| இதோ தோழிநங் காதலர் வரவே. | |
| - மதுரை மருதனிள நாகனார். |
தோழி! நெருப்பைப் போன்ற சிவந்த தலையையுடைய ஆண் அன்றில் இறாமீனை ஒத்த வளைந்த அலகையுடைய பெண் அன்றிலோடு தடா மரத்தினது உயர்ந்த கிளையின் கண்ணுள்ள கூட்டினிடத்தேயிருந்து ஒலிக்கின்ற செறிந்த இடையிரவையுடைய பெரிய தண்மையையுடைய வாடைக் காற்று வீசும் கூதிர்க் காலத்திலும் தலைவர் வந்தாரிலர்; நம் தலைவர் என்னை மணந்து கொள்வது இதுதானோ?
முடிபு: தோழி, வாடையும் வாரார்; காதலர் வரைவு இஃதோ?
கருத்து: தலைவர் இன்னும் வந்திலர்; வரைவரெனக் கருதுதல் எங்ஙனம்?
தேடல் தொடர்பான தகவல்கள்:
குறுந்தொகை - 160. குறிஞ்சி - தலைவி கூற்று, இலக்கியங்கள், தோழி, குறிஞ்சி, தலைவர், தலைவி, கூற்று, குறுந்தொகை, வாடையும், வாரார், காதலர், னன்ன, “அவர், எட்டுத்தொகை, சங்க, வரைந்து, வந்தாரிலர், கொள்வது