குறுந்தொகை - 129. குறிஞ்சி - தலைவன் கூற்று
(தலைவியோடு அளவளாவி மீண்ட தலைவனது வாட்டத்தைக் கண்ட பாங்கன், “ நினக்கு இவ்வாட்டம் உண்டாதற்குக் காரணம் யாது?” என்றவழி, “ஒரு மங்கையது நுதல் என் உள்ளத்தைப் பிணித்தது” என்று தலைவன் கூறியது.)
| எலுவ சிறாஅர் ஏமுறு நண்ப புலவர் தோழ கேளா யத்தை மாக்கடல் நடுவண் எண்ணாட் பக்கத்துப் பசுவெண் திங்கள் தோன்றி யாங்குக் கதுப்பயல் விளங்கும் சிறுநுதல் |
5 |
| புதுக்கோள் யானையிற் பிணித்தற்றால் எம்மே. | |
| - கோப்பெருஞ்சோழன். |
எம் நண்ப இளைஞர் இன்புறுதற்குக் காரணமாகிய நட்பையுடையோய் அறிவுடையாருக்குத் தோழ கேட்பாயாக; பெரிய கடலின் நடுவில் எட்டாந் திதிக்குரிய இளைய வெள்ளிய திங்கள் தோன்றியதைப் போல ஒரு மகளின் கூந்தலுக்கு அயலில் விளங்குகின்ற சிறிய நெற்றி புதிதாகப் பிடிக்கப்பட்ட யானையைப் போல எம்மைப் பிணித்தது.
முடிபு: எலுவ, நண்ப, தோழ, கேளாய்: சிறுநுதல் எம்மைப் பிணித்தற்று.
கருத்து: ஓர் அழகிய மகள் என் நெஞ்சத்தைக் கவர்ந்தாள்.
தேடல் தொடர்பான தகவல்கள்:
குறுந்தொகை - 129. குறிஞ்சி - தலைவன் கூற்று, இலக்கியங்கள், தலைவன், குறிஞ்சி, நண்ப, குறுந்தொகை, கூற்று, சிறுநுதல், எம்மைப், திங்கள், சங்க, எட்டுத்தொகை, எலுவ