ஆரூடப் பாடல் - 3, 2, 3. - ஸ்ரீஅகத்தியர் பாய்ச்சிகை ஆரூடம்

ஜீவிய காலமெல்லாம் வறுமையால் வாடி நின்றாய் பாவிகள் சிலபேராலே பலவித பொருளைத் தோற்றாய் ஆவியை ஒழிப்பதற்கும் யோசிப்பார் கவனம் வைப்பாய் சேவித்தே ஈசன் தன்னை ஜெகமதில் வாழ்வாய் முன்னே.

மூன்றும், இரண்டும், மூன்றும் விழுந்திருப்பது உன் கஷ்ட நிலையினையே காட்டுகிறது. தீயவர்களினால் உன் பொருளை இழந்திருப்பாய். அவர்களினால் உன் உயிருக்கும் ஆபத்துண்டு. கவனமாய் இரு!, எல்லாம் வல்ல ஈசனை வணங்கி நலமாய் வாழ்ந்திடு என்கிறார்.